آرمینیا سے کاراباغ کا قبضہ چھڑانے پر ترکی نے آذربائیجان کے شہریوں کو آزادی کا بہترین تحفہ پیش کرتے ہوئے کہا صرف شناختی کارڈ پر داخلے کی اجازت دینے کا اعلان کیا ہے۔
ترکی کے وزیرخارجہ مولود چاوش اولو نے کہا ہے کہ عنقریب ترکی اور آذربئیجان کے شہری صرف شناختی کارڈ پر ایک دوسرے کے ممالک میں سیروتفریح کر سکیں گے
انہوں نے بتایا کہ آذری ہم منصب کے ساتھ اس معاملے پر ایک پروٹوکول پر دستخط کیے ہیں جس کے تحت صرف شناختی کارڈ پر ہی ترکی اور آذربائیجان کے ساتھ سیروسیاحت ممکن ہو سکے گی۔
ترک وزیرخارجہ نے لکھا کہ یک ملت دو ریاست کو یہی زیب دیتا ہے اور یہ عملدرآمد خیر وبرکت کا وسیلہ بنے گا۔
یہ پیش رفت ترک صدر رجب طیب اردوان کاراباغ کی آرمینی قبضے کی رہائی کی مناسبت سے صدر الہام علییف کی جانب سے مدعو کیے جانے پر مسلح افواج کی پریڈ میں شرکت کے بعد سامنے آئی ہے۔
ترک صدر نے پریڈ سے خطاب میں کہا تھا کہ آذربائیجان داستانیں رقم کرنا جاری رکھے گا، آذربائیجان کا اپنی سرزمین کو آزاد کروانا جدوجہد ختم ہونے کا مفہوم نہیں رکھتا اگر آرمینی عوام کاراباغ جنگ سے سبق سیکھ لیتی ہے تو یہ چیز علاقے میں نئے دور کا آغاز ثابت ہوگی۔
